Өрлеу

МАМАНДЫҚ ТАҢДАУҒА БАҒЫТ: ТАТЬЯНА ХВАНМЕН КӘСІБИ КЕЗДЕСУ

МАМАНДЫҚ ТАҢДАУҒА БАҒЫТ: ТАТЬЯНА ХВАНМЕН КӘСІБИ КЕЗДЕСУ
Мектеп оқушыларына кәсіби бағдар беру, олардың қызығушылықтары мен қабілеттерін анықтау, болашақ мамандығын саналы түрде таңдауға бағыттау мәселелеріне арналған кәсіби кездесу өтті.

Кездесудің спикері — Татьяна Хван, тәжірибелі психолог, кәсіби бағдар беруші, «Мектеп оқушыларына кәсіби бағдар беру жөніндегі халықаралық бірлестік» (IASC) курстарының авторы және тренері, сондай-ақ аталған ұйымның вице-президенті.

Кездесу барысында мектептегі кәсіби бағдар беру жүйесінің өзекті мәселелері, оқушылардың жеке ерекшеліктерін ескере отырып, олардың болашақ кәсіби бағытын анықтауға көмектесудің тиімді жолдары талқыланды. Оқушылардың қызығушылықтарын диагностикалау, қабілеттерін анықтау және мамандық таңдауға дайындау үдерісінің негізгі кезеңдеріне ерекше назар аударылды.

Спикер кәсіби бағдар беру жұмысында қолданылатын заманауи тәсілдер мен практикалық құралдар туралы айтып, оқушылармен жұмыс жүргізудегі тәжірибесімен бөлісті. Сонымен қатар, кәсіби бағдар беру мамандарының құзыреттерін дамыту, тәжірибе алмасу және кәсіби қауымдастық аясындағы өзара ынтымақтастық мүмкіндіктері қарастырылды.

Кездесу қатысушыларға кәсіби бағдар беру жұмысының мазмұнын тереңірек түсінуге, жаңа әдістермен танысуға және оларды білім беру тәжірибесінде қолдану жолдарын зерделеуге жол ашты.

Бөлісу

Басқа жаңалықтар