«Өрлеу» мен Қазақстан шахмат федерациясы педагогтердің кәсіби дамуы үшін күш біріктіреді

«Өрлеу» БАҰО» АҚ мен «Қазақстан шахмат федерациясы» РҚБ арасында ынтымақтастық туралы меморандумға «Өрлеу» БАҰО» АҚ Басқарма төрағасы Ғалымжан Алматов пен Қазақстан шахмат федерациясының Бірінші вице-президенті Дәрмен Садвакасов қол қойды.
Меморандум педагогтердің кәсіби құзыреттілігін арттыруға, шахматты білім беру үдерісінде тиімді қолдануға және бірлескен курстар мен оқу-әдістемелік жұмыстарды дамытуға бағытталған.
Осы ынтымақтастық аясында Солтүстік Қазақстан облысы бойынша «Өрлеу» филиалында педагогтерге арналған шахмат курсы өтіп жатыр. Курс барысында мұғалімдер шахматты оқыту әдістемесін меңгеріп, оны сабақта және сыныптан тыс жұмыстарда қолдану жолдарын үйренуде.
Шахмат педагогтерге оқушылардың логикалық ойлауын, зейінін, есте сақтау қабілетін және шешім қабылдау дағдыларын дамытуға мүмкіндік беретін тиімді құралдарды меңгеруге жол ашады.
Бұл жұмыстың нәтижесі облыс балалары үшін де маңызды. Шахмат оқушыларды бірнеше қадам алға ойлауға, дұрыс шешім қабылдауға, шыдамдылық танытуға және өз әрекетіне жауапкершілікпен қарауға үйретеді.
Солтүстік Қазақстан облысы бойынша «Өрлеу» филиалында өтіп жатқан курс – педагогтердің кәсіби дамуы мен балалардың интеллектуалдық әлеуетін арттыруға бағытталған маңызды қадам.
Шахмат – ойлауға, таңдауға және жауапкершілік алуға үйрететін құрал.
Басқа жаңалықтар

МАМАНДЫҚ ТАҢДАУҒА БАҒЫТ: ТАТЬЯНА ХВАНМЕН КӘСІБИ КЕЗДЕСУ
Мектеп оқушыларына кәсіби бағдар беру, олардың қызығушылықтары мен қабілеттерін анықтау, болашақ мамандығын саналы түрде таңдауға бағыттау мәселелеріне арналған кәсіби кездесу өтті.

ЫНТЫМАҚТАСТЫҚТЫҢ ЖАҢА МҮМКІНДІКТЕРІ: МЕМОРАНДУМҒА ҚОЛ ҚОЙЫЛДЫ
«Өрлеу» біліктілікті арттыру ұлттық орталығы» АҚ филиалы – Атырау облысы бойынша Кәсіби даму институты мен «Zerdeli Group» ЖШС білім беру саласындағы өзара ынтымақтастықты дамыту мақсатында Меморандумға қол қойды

«ЖАҢА ЖОБА - ЖАҢА МҮМКІНДІК»: МЕКТЕПКЕ ДЕЙІНГІ ҰЙЫМ ӘДІСКЕРЛЕРІНЕ АРНАЛҒАН ПИЛОТТЫҚ ЖОБАНЫ ТҮСІНДІРУ СЕМИНАРЫ ӨТТІ
Мектепке дейінгі білім беру ұйымдарындағы әдістемелік жұмыстың сапасын арттыру, педагогтердің кәсіби дамуын қолдау және аттестаттаудың жаңа талаптарын түсіндіру мақсатында «Өрлеу» біліктілікті арттыру ұлттық орталығы» АҚ Астана қаласы бойынша КДИ ұйымдастыруымен «Жаңа жоба – жаңа мүмкіндік» тақырыбында тәжірибелік семинар өтті.