ПЕДАГОГТІҢ КӘСІБИ ЦИФРЛЫҚ ПРОФИЛІН БАҒАЛАУ ТӘРТІБІ ТҮСІНДІРІЛДІ
Батыс Қазақстан облысының әдістемелік орталығының ұйымдастыруымен техникалық
және кәсіптік білім беру ұйымдарының әдіскерлері мен оқытушыларына арналған
вебинар өтті. Іс-шара педагогтерге әдістемелік қолдау көрсету және кәсіби
цифрлық профильді бағалау парағын қолдану тәртібін түсіндіру мақсатында
ұйымдастырылды.
Вебинарда «Өрлеу» БАҰО» АҚ «Батыс Қазақстан облысы бойынша Кәсіби даму
институты» филиалы директорының орынбасары К. Байкатова және БҚО әдістемелік
орталығының әдіскері З. Тажикбаева баяндама жасады. Спикерлер педагогтердің
кәсіби цифрлық профилін бағалау парағының ерекшеліктеріне тоқталып, оны қолдану
тәртібін түсіндірді.
Кездесу барысында қатысушылар тақырыпқа қатысты сұрақтарын қойып,
спикерлерден түсініктемелер алды. Вебинар әдіскерлер мен оқытушылардың кәсіби
цифрлық профильді бағалау жөніндегі түсінігін кеңейтіп, осы бағыттағы жұмысқа
қажетті әдістемелік ақпарат алуына мүмкіндік берді.
Басқа жаңалықтар
ШЕДОУИНГ: ЖАС ПЕДАГОГТІҢ КӘСІБИ БЕЙІМДЕЛУІНЕ ПРАКТИКАЛЫҚ ҚОЛДАУ
30 қазан күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Шедоуинг – жас педагогтің кәсіби бейімделуінің және тәжірибесін жинақтаудың практикалық тетігі» тақырыбында семинар өтті. Іс-шараға қалалық және аудандық білім бөлімдерінің әдістемелік кабинет әдіскерлері, жалпы білім беретін мектептердің педагог-тәлімгерлері мен жас мұғалімдері қатысты.
Мемлекет басшысының Жолдауына үн қосу: Kókshe эфиріндегі сарапшылар пікірі
Kókshe облыстық телеарнасының «Мемлекет басшысының Жолдауы: білім берудегі жаңа бағыттар» тақырыбындағы жаңалықтар сюжетіне филиалдың Ақмола облысы бойынша директоры Жанна Байгаринова мен курс тыңдаушылары қатысты
ЖАСАНДЫ ИНТЕЛЛЕКТ: ИДЕЯДАН ЖОБАҒА
Курстың басты нәтижесі – педагогтердің жасанды интеллектіні саналы әрі мақсатты қолдану дағдыларын дамыту, цифрлық құзыреттілігін жетілдіру және білім беру тәжірибесіне жаңа тәсілдерді енгізуге бағытталған кәсіби әлеуетін арттыру.