Өрлеу

Педагогтерге курстан кейінгі қолдау: кәсіби дамудың маңызды кезеңі

Жаңалық
Педагогтерге курстан кейінгі қолдау: кәсіби дамудың маңызды кезеңі
2026 жылғы 14 қазанда «Өрлеу» ШҚО бойынша филиалы педагогтерге курстан кейінгі қолдау көрсету мәселелеріне арналған түсіндіру вебинарын өткізді.

Zoom платформасында онлайн форматта ұйымдастырылған іс-шараға 100-ден астам қатысушы жиналды. Олардың қатарында білім басқармалары мен бөлімдерінің басшылары, білім беру ұйымдарының басшылары және облыстың білім беру жүйесінің басқа да өкілдері болды.

Вебинар барысында келесі мәселелер қарастырылды:
▪️ Қазақстан Республикасы Оқу-ағарту министрінің 2026 жылғы 29 мамырдағы № 145 бұйрығы түсіндірілді;
▪️ педагогтерге курстан кейінгі қолдауды ұйымдастыру ерекшеліктері;
▪️ курста меңгерген білім мен дағдыларды бекіту;
▪️ жаңа тәсілдерді білім беру тәжірибесіне енгізу;
▪️ педагогтердің үздіксіз кәсіби дамуын жетілдіру.

Кездесу қатысушыларға өзекті мәселелерді талқылауға, курстан кейінгі қолдаудың маңызын тереңірек түсінуге және педагогтердің кәсіби өсуіне бағытталған ортақ ұстаным қалыптастыруға мүмкіндік берді.
Вебинардың қазақ және орыс тілдерінде өткізілуі барлық қатысушыға ақпаратты өзіне қолайлы тілде қабылдап, тәжірибе алмасуға жағдай жасады.
Бөлісу

Басқа жаңалықтар

#ҚЫЗЫЛОРДА ОБЛЫСЫ БОЙЫНША ӨРЛЕУ

«ҚАРЖЫЛЫҚ САУАТТЫЛЫҚ НЕГІЗДЕРІ» БІЛІКТІЛІКТІ АРТТЫРУ КУРСТАРЫ АЯҚТАЛДЫ

ҚР Ұлттық банкі мен «Өрлеу» біліктілікті арттыру ұлттық орталығының бірлескен жобасы аясында «Қаржылық сауаттылық негіздері» білім беру бағдарламасы бойынша біліктілікті арттыру курсы сәтті аяқталды.

#АСТАНА ҚАЛАСЫ БОЙЫНША ӨРЛЕУ

ЫБЫРАЙ АЛТЫНСАРИН МҰРАСЫ ЖӘНЕ ЗАМАНАУИ ПЕДАГОГ МОДЕЛІ: ХАЛЫҚАРАЛЫҚ ҒЫЛЫМИ-ПРАКТИКАЛЫҚ КОНФЕРЕНЦИЯҒА ШАҚЫРАМЫЗ

2026 жылғы 26 қарашада «Өрлеу» біліктілікті арттыру ұлттық орталығы» АҚ филиалы Астана қаласы бойынша Кәсіби даму институты, Қостанай облысы әкімдігі мәдениет басқармасының «Ыбырай Алтынсариннің облыстық мемориалдық музейі» және Ыбырай Алтынсарин атындағы Арқалық педагогикалық университетінің бірлесіп ұйымдастыруымен «Ыбырай Алтынсарин және заманауи педагог моделі: құндылық, құзыреттілік, инновация» тақырыбында халықаралық ғылыми-практикалық конференция өтеді