ПРОФОРИЕНТАЦИЯ ЖӘНЕ БІЛІМ БЕРУ ЖҮЙЕСІНДЕГІ ӨЗГЕРІСТЕР: ГРАНТТАР МЕН ЖАҢА AIT ЕМТИХАНЫ

«Өрлеу» біліктілікті арттыру ұлттық орталығының Астана қаласы бойынша филиалында «Білім алушыны кәсіби бағдарлаудағы мектептің іс-әрекеті» біліктілікті арттыру курсының тыңдаушыларына арналған семинар өтті.

Семинар спикері профориентолог Жасұлан Қуандық Бостандықұлы.

Кездесу барысында кәсіби бағдар берудің өзектілігі, білім беру жүйесіндегі өзгерістер, білім беру гранттары, халықаралық бағдарламалар мен жаңа AIT емтиханының мәселелері талқыланды. Спикер кәсіби бағдар берудің тек мамандық таңдауға кеңес берумен шектелмейтінін, оның елдің адами капиталын қалыптастырудағы маңызды рөлін атап өтті. Оқушының қабілеті мен қызығушылығын ерте анықтау, еңбек нарығының сұранысын ескеру және жеке білім алу траекториясын қалыптастыру кәсіби бағдар жұмысының негізгі бағыттары екені айтылды.

Адами капиталдың сапасы елдің ұзақ мерзімді бәсекеге қабілеттілігінің негізі ретінде қарастырылды. Білім мен кәсіби біліктілікпен қатар, адамның тәжірибесі, мотивациясы, креативтілігі және еңбекке деген жауапкершілігі де маңызды екені айтылды. Сонымен қатар қазіргі еңбек нарығында бейімделу қабілеті мен үздіксіз үйрену дағдыларының маңыздылығы ерекше атап өтілді. Болашақ маман үшін сыни ойлау, эмоционалдық интеллект, креативтілік, көшбасшылық және тиімді қарым-қатынас орнату қабілеті маңызды құзыреттер ретінде таныстырылды.

Кездесу барысында жастарға арналған халықаралық білім беру мүмкіндіктері де сөз болды. Атап айтқанда, Германияның DAAD, Түркияның Türkiye Bursları, АҚШ-тың Fulbright, Жапонияның MEXT және Еуропаның Stipendium Hungaricum бағдарламалары туралы ақпарат берілді.

Басқа жаңалықтар

2026 ж. 5 қараша#АСТАНА ҚАЛАСЫ БОЙЫНША ӨРЛЕУ

БОЛАШАҚҚА БАҒДАР: МАМАНДЫҚ ТАҢДАУДЫҢ МАҢЫЗЫ

Кездесу барысында қазіргі еңбек нарығында аналитикалық және сыни ойлау, креативтілік, технологиялық сауаттылық, коммуникация және үздіксіз білім алу қабілеттерінің маңыздылығы атап өтілді. Спикердің айтуынша, бүгінгі білім беру жүйесінің міндеті – оқушыны белгілі бір мамандыққа ғана емес, өзгерістерге бейімделуге үйрету. Сондай-ақ жасанды интеллект дәуірінде адамның эмпатия, жүйелі ойлау, шығармашылық және белгісіз жағдайда шешім қабылдау секілді қабілеттерін дамыту қажеттілігі сөз болды.

2026 ж. 5 қараша#ТҮРКІСТАН ОБЛЫСЫ БОЙЫНША ӨРЛЕУ

ҚАЗЫҒҰРТТА БІЛІКТІЛІКТІ АРТТЫРУ КУРСЫ ӨТІП ЖАТЫР

Түркістан облысы Қазығұрт ауданында «Өрлеу» БАҰО» АҚ Түркістан облысы бойынша кәсіби даму институтының жоспарына сәйкес 27 қазан мен 6 қараша аралығында педагогтердің кәсіби құзыреттілігін арттыруға бағытталған оқу курсы өтуде. Курс жетекшісі – Махфуза Мусаева.

2026 ж. 5 қараша#БАТЫС ҚАЗАҚСТАН ОБЛЫСЫ БОЙЫНША ӨРЛЕУ

«ӨРЛЕУДЕ» ТӨРТ КҮНДІК КӘСІБИ ДАМУ АПТАЛЫҒЫ ҚОРЫТЫНДЫЛАНДЫ

5 қараша күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Тәжірибеге негізделген оқыту: педагогтердің кәсіби дамуындағы тренердің рөлі» тақырыбындағы төрт күндік оқыту қорытындыланды.