БУЛЛИНГТІ ЕРТЕ АНЫҚТАУ ЖӘНЕ ИНТЕРВЕНЦИЯ: ПЕДАГОГТЕРДІҢ КӘСІБИ ҚҰЗЫРЕТТІЛІГІН АРТТЫРУ
Онлайн форматта «Буллингті ерте анықтау және интервенция»
тақырыбындағы педагогтердің біліктілігін арттыру курсы жалғасуда.
Курс аясында педагогтер буллингтің алғашқы белгілерін
анықтау, білім алушылардың мінез-құлқындағы өзгерістерді дер кезінде байқау,
психологиялық қысым жағдайларын ажырату және тиісті қолдау көрсету бойынша
білімдері мен практикалық дағдыларын жетілдіруде.
Оқу бағдарламасында кибербуллинг мәселесіне де ерекше назар
аударылған. Қатысушылар онлайн кеңістіктегі қудалаудың ерекшеліктерін, оның
баланың психологиялық жағдайы мен әлеуметтік бейімделуіне ықпалын, сондай-ақ
осындай жағдайлар туындаған кезде педагогтің дұрыс әрекет ету алгоритмдерін
қарастыруда.
Курстың негізгі мақсаты – педагогтердің буллинг жағдайларын
ерте анықтау, олардың алдын алу және білім алушыларға уақтылы қолдау көрсету
жөніндегі кәсіби құзыреттерін дамыту.
Буллингтің алдын алу – қауіпсіз білім беру ортасын
қалыптастырудың маңызды шарты. Педагогтің жағдайды дер кезінде байқап, сауатты
әрекет етуі баланың құқықтарын қорғауға, психологиялық әл-ауқатын сақтауға және
мектептегі қолайлы қарым-қатынас мәдениетін нығайтуға мүмкіндік береді.
Басқа жаңалықтар
ШЕДОУИНГ: ЖАС ПЕДАГОГТІҢ КӘСІБИ БЕЙІМДЕЛУІНЕ ПРАКТИКАЛЫҚ ҚОЛДАУ
30 қазан күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Шедоуинг – жас педагогтің кәсіби бейімделуінің және тәжірибесін жинақтаудың практикалық тетігі» тақырыбында семинар өтті. Іс-шараға қалалық және аудандық білім бөлімдерінің әдістемелік кабинет әдіскерлері, жалпы білім беретін мектептердің педагог-тәлімгерлері мен жас мұғалімдері қатысты.
Мемлекет басшысының Жолдауына үн қосу: Kókshe эфиріндегі сарапшылар пікірі
Kókshe облыстық телеарнасының «Мемлекет басшысының Жолдауы: білім берудегі жаңа бағыттар» тақырыбындағы жаңалықтар сюжетіне филиалдың Ақмола облысы бойынша директоры Жанна Байгаринова мен курс тыңдаушылары қатысты
ЖАСАНДЫ ИНТЕЛЛЕКТ: ИДЕЯДАН ЖОБАҒА
Курстың басты нәтижесі – педагогтердің жасанды интеллектіні саналы әрі мақсатты қолдану дағдыларын дамыту, цифрлық құзыреттілігін жетілдіру және білім беру тәжірибесіне жаңа тәсілдерді енгізуге бағытталған кәсіби әлеуетін арттыру.