«ЖАҢА МЕКТЕПКЕ – ЖАҢАШЫЛ ҰСТАЗ» БАЙҚАУЫНЫҢ ОБЛЫСТЫҚ КЕЗЕҢІ ӨТТІ

16 наурызда өңірімізде «Жаңа мектепке – жаңашыл ұстаз» республикалық байқауының облыстық кезеңі өтті. Байқау білім беру саласындағы жаңашылдықты қолдауға, шығармашыл әрі кәсіби әлеуеті жоғары педагогтерді анықтауға бағытталды.
Байқау педагогтерге өздерінің кәсіби шеберлігін танытып, тың идеяларымен бөлісуге мүмкіндік берді. Қатысушылар заманауи білім беру үдерісіне бейімділіктерін көрсетіп, жаңашыл көзқарастары мен шығармашылық ізденістерін ортаға салды.
Осындай кәсіби алаңдар педагогтердің тәжірибе алмасуына, жаңа идеяларды талқылауына және білім беру саласындағы өзгерістерге бейімделуіне ықпал етеді. Байқау қатысушылардың бастамашылдығын қолдап, педагогикалық шығармашылықты дамытуға бағытталған маңызды іс-шаралардың бірі болды.
Байқаудың әділ әрі сапалы өтуіне қазылар алқасының мүшелері — әріптестеріміз Мускина Айнұр Нұрлановна мен Қасымова Айгүл Бегеновна үлес қосты. Әріптестерімізге кәсібилігі мен жауапкершілігі үшін алғыс білдіреміз.
Басқа жаңалықтар

Руслан Ким: «Кибералаяқтықтан қорғану туралы модуль ерекше пайдалы болды»
«Өрлеу» біліктілікті арттыру ұлттық орталығының Жетісу облыстық филиалында «Қаржылық сауаттылық негіздері» тақырыбында ұйымдастырылған курстың тыңдаушысы Руслан Ким оқу барысындағы әсерімен бөлісті.

КУРСТАН КЕЙІНГІ ҚОЛДАУ: ИННОВАЦИЯЛЫҚ ӘДІСТЕРДЕН ТИІМДІ ТӘЖІРИБЕГЕ
Педагогтердің біліктілікті арттыру курстарында меңгерген білімдері мен дағдыларын педагогикалық тәжірибеде тиімді қолдануы – үздіксіз кәсіби дамудың маңызды шарты.

Педагогтер «Қаржылық сауаттылық негіздері» курсынан өтуде
Мемлекет басшысының тапсырмасына сәйкес ҚР Оқу-ағарту министрлігінің «Өрлеу» біліктілікті арттыру ұлттық орталығы ҚР Ұлттық Банкімен бірлесіп, педагогтердің қаржылық құзыреттілігін дамытуға бағытталған ауқымды жобаны жүзеге асырып келеді.