БІРТҰТАС ТӘРБИЕ ҚҰНДЫЛЫҚТАРЫ: ҮЗДІК ПЕДАГОГИКАЛЫҚ ТӘЖІРИБЕЛЕР АЛАҢЫ

Қазақстан
Республикасы Білім және ғылым министрінің 2016 жылғы 28 қаңтардағы № 95
бұйрығымен бекітілген педагогтердің біліктілігін арттыру курстарын ұйымдастыру
және өткізу, сондай-ақ педагогтер қызметін курстан кейінгі қолдау міндеттеріне
сәйкес филиалда «Біртұтас тәрбие құндылықтарын қалыптастыру: үздік бастауыш
сынып тәжірибелері» тақырыбында вебинар өтті.
«Үштік
спираль» моделі негізінде ұйымдастырылған вебинар бастауыш сынып мұғалімдерінің
«Адал азамат» біртұтас тәрбие бағдарламасының құндылықтарын оқу-тәрбие
үдерісіне кіріктіру бойынша кәсіби құзыреттілігін жетілдіруге және озық
педагогикалық тәжірибелерді таратуға бағытталған.
Кездесу
барысында құндылыққа бағдарланған оқытудың нормативтік және әдістемелік
негіздері, МЖМБС талаптары мен «Адал азамат» бағдарламасы құндылықтарының
сабақтастығы, оқу мақсаттары мен тәрбие міндеттерін өзара үйлестіру мәселелері
қарастырылды.
Вебинардың
тәжірибелік бөлімінде курс тыңдаушылары тәуелсіздік пен отаншылдық, бірлік пен
ынтымақ, әділдік пен жауапкершілік, заң мен тәртіп, еңбекқорлық пен кәсіби
біліктілік, жасампаздық пен жаңашылдық құндылықтарын бастауыш сынып
сабақтарында қалыптастыруға бағытталған педагогикалық тәжірибелерін бөлісті. Сабақ
үлгілері, тапсырмалар мен білім алушы әрекеттері негізінде құндылықтарды білім
мазмұнына кіріктірудің тиімді жолдары ұсынылды.
Сонымен
қатар педагогтер құндылықтарды қалыптастыру барысында кездесетін әдістемелік
қиындықтарды талқылап, оларды шешу жолдарын саралады. «Бір құндылық – бір шешім
– бір нәтиже» қағидаты негізінде әр қатысушы өз тәжірибесіне енгізетін нақты
педагогикалық қадамын айқындады.
Құндылыққа
негізделген білім беру – білімді ұрпақ тәрбиелеумен қатар, жауапкершілігі
жоғары, отаншыл, адал әрі жасампаз азамат қалыптастырудың берік негізі.
Басқа жаңалықтар

БОЛАШАҚ ПЕДАГОГТЕРДІ ДАЯРЛАУ – БАСТЫ НАЗАРДА
Қорқыт Ата атындағы Қызылорда университеті мен «Өрлеу» Қызылорда облысы бойынша филиалы арасында өзара әріптестік байланыс нығайып, тәжірибе алмасу, ғылыми-әдістемелік жұмыстарды дамыту және болашақ педагогтердің кәсіби құзыреттілігін қалыптастыру бағытында бірқатар бірлескен жұмыстар жүзеге асырылып келеді.

БІЛІМ БЕРУДЕГІ ЫНТЫМАҚТАСТЫҚ: ТАЛДАУ, ИНТЕРПРЕТАЦИЯ, РЕФЛЕКСИЯ
«Өрлеу» Қызылорда облысы бойынша филиалы өңіріміздегі жоғары және арнаулы орта білім беру ұйымдарымен әріптестік ынтымақтастықты нығайтуға, өзара тәжірибе алмасуға және білім беру сапасын арттыруға бағытталған жұмыстарды жүйелі түрде жүзеге асырып келеді.

«ӨРЛЕУ» ШЫМКЕНТ ФИЛИАЛЫНДА РЕСПУБЛИКАЛЫҚ ОНЛАЙН КОНФЕРЕНЦИЯ ӨТТІ
Конференцияның мақсаты – білім беру үдерісіндегі цифрлық технологиялар мен жасанды интеллект мүмкіндіктерін тиімді пайдаланудың заманауи тәсілдерін талқылау, пәндік оқыту мен цифрлық инновациялардың өзара ықпалдастығын көрсету, педагогтердің цифрлық және жасанды интеллект құралдарын кәсіби қызметінде қолдану құзыреттерін дамыту, сондай-ақ білім сапасын арттыруға бағытталған озық тәжірибелермен алмасу.