«ӨРЛЕУ» БІЛІКТІЛІКТІ АРТТЫРУ ҰЛТТЫҚ ОРТАЛЫҒЫ» АҚ ФИЛИАЛЫ – АЛМАТЫ ҚАЛАСЫ БОЙЫНША КӘСІБИ ДАМУ ИНСТИТУТЫНА ЖАҢА ДИРЕКТОР ТАҒАЙЫНДАЛДЫ
Маржан Анесовна білім беру саласында көп жылдық тәжірибесі бар білікті басшы, өз саласының терең білгірі ретінде танылған. Жаңа қызметінде де институттың стратегиялық дамуын қамтамасыз етуге және педагогтердің кәсіби әлеуетін арттыруға бағытталған жұмыстарды жалғастырады.
Маржан Анесовна Галимжанова – Әл-Фараби атындағы Қазақ ұлттық университетін «Қолданбалы математика» мамандығы бойынша бітірген. «Болашақ» халықаралық бағдарламасы аясында Ұлыбританиядағы University of Reading университетінде «Білім берудегі менеджмент» бағыты бойынша ғылыми тағылымдамадан өткен. Педагогика ғылымдарының кандидаты, Халықаралық ақпараттандыру академиясының академигі.
Жалпы педагогикалық еңбек өтілі – 34 жыл, басшылық қызметтегі еңбек өтілі – 20 жыл. Біліктілікті арттыру жүйесінде көп жылдық еңбек тәжірибесі бар маман. Осыған дейін Ы.Алтынсарин атындағы Ұлттық білім академиясында институт директоры, Атырау облысы бойынша кәсіби даму институтында директор қызметтерін атқарған. Сонымен қатар, жоғары оқу орындарында проректор, кафедра меңгерушісі. Орта мектепте информатика пәнінің мұғалімі болып еңбек еткен. Көптеген ғылыми мақалалардың, монографиялардың, оқулықтардың және оқу-әдістемелік еңбектердің авторы, ғылыми жобалар мен халықаралық ынтымақтастықты жүзеге асыруға белсенді қатысады.
Көп жылғы жемісті еңбегі үшін «Қазақстан Республикасы Білім беру ісінің Құрметті қызметкері» және «Қазақстан Республикасының ғылымын дамытуға сіңірген еңбегі үшін» төсбелгілерімен марапатталған.
Институт ұжымы Маржан Анесовна Галимжанованы жаңа лауазымға тағайындалуымен ізгі ниетпен құттықтайды әрі жауапты жұмысында табыс пен жетістік, игі істерінде сәттілік, шығармашылық шабыт пен биік жетістіктер тілейді.
Басқа жаңалықтар
БАСТАУЫШ СЫНЫП ОҚУШЫЛАРЫНЫҢ ОҚУ МӘДЕНИЕТІН ҚАЛЫПТАСТЫРУ МӘСЕЛЕЛЕРІ ТАЛҚЫЛАНДЫ
Ағымдағы жылдың 5 қараша күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Бастауыш сынып білім алушыларының оқу мәдениетін қалыптастыру» тақырыбында вебинар өтті. Іс-шараға бастауыш сынып мұғалімдері қатысып, жас ұрпақтың кітап оқуға қызығушылығын арттыру, тұрақты оқу дағдыларын қалыптастыру және оқу мәдениетін дамытудың өзекті мәселелерін талқылады. Вебинарды кафедраның аға оқытушысы Д.Ш. Жумагалиева жүргізіп, қатысушыларды кездесудің тақырыбы, мақсаты мен күтілетін нәтижелерімен таныстырды.
БАСТАУЫШ СЫНЫП ОҚУШЫЛАРЫНЫҢ ОҚУ МӘДЕНИЕТІ МЕН ФУНКЦИОНАЛДЫҚ САУАТТЫЛЫҒЫН ДАМЫТУ МӘСЕЛЕЛЕРІ ТАЛҚЫЛАНДЫ
Ағымдағы жылдың 5 қараша күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Мемлекеттік стандарт талаптарын жүзеге асыру: бастауыш сынып оқушыларының оқу мәдениеті мен функционалдық сауаттылығын дамыту» тақырыбында вебинар өтті. Іс-шараға бастауыш сынып мұғалімдері қатысып, мемлекеттік жалпыға міндетті білім беру стандарты талаптарын оқу үдерісінде жүзеге асырудың өзекті мәселелерін талқылады. Вебинарды кафедраның аға оқытушысы Д.Ш. Жумагалиева жүргізді.
БІЛІМ МЕН ИННОВАЦИЯ: ЖОҒАРЫ БІЛІМ БЕРУДІҢ ЖАҢА БАҒЫТТАРЫ
Қазіргі білім беру жүйесі цифрлық технологиялардың қарқынды дамуымен қатар жаңа талаптар мен мүмкіндіктерге ие болуда. Әсіресе жасанды интеллектіні білім беру үдерісіне тиімді енгізу, оқытудың заманауи әдістемелерін жетілдіру және білім алушылардың зерттеушілік құзыреттілігін дамыту – бүгінгі күннің өзекті мәселелерінің бірі.