СҚО «Өрлеу» филиалында екі апталық бюджеттік біліктілікті арттыру курстары басталды.

Оқуға қазақ, орыс және ағылшын тілі мен әдебиеті пәндерінің мұғалімдері, сондай-ақ география пәнінің мұғалімдері кірісті. Білім беру үдерісі келесі бағдарламалар бойынша ұйымдастырылған:

— «Мемлекеттік жалпыға міндетті білім беру стандартын жүзеге асырудағы жаңа тәсілдер: мақсаттан күтілетін оқу нәтижесіне жету. “Қазақ тілі мен әдебиеті” (Т2)»;

— «New approaches to the implementation of the State compulsory standard for education: from goals to expected learning outcomes. “English language”»;

— «Новые подходы реализации Государственного общеобязательного стандарта образования: от цели к ожидаемым результатам. “Русский язык” и “Русская литература” (Я1)»;

— «Новые подходы реализации Государственного общеобязательного стандарта образования: от цели к ожидаемым результатам. “География”».

Сонымен қатар оқыту Айыртау ауданы базасында да ұйымдастырылып, онда педагогтердің екі тобы жасақталды. Орта білім беру ұйымдарының педагогтері мен қазақ тілі мен әдебиеті пәні мұғалімдері келесі бағдарламалар бойынша біліктілігін арттыруда:

— «Цифровые технологии и искусственный интеллект для персонализации обучения»;

— «Мемлекеттік жалпыға міндетті білім беру стандартын жүзеге асырудағы жаңа тәсілдер: мақсаттан күтілетін оқу нәтижесіне жету. “Қазақ тілі” және “Қазақ әдебиеті” (Т1)».

Бұдан бөлек, білім беру ұйымдарының педагогтеріне арналған Қазақстан Республикасының Ұлттық банкімен бірлесіп жүзеге асырылатын «Қаржылық сауаттылық негіздері» атты бір апталық курс басталды.

Аталған курстарды өткізу педагогтердің кәсіби құзыреттерін жетілдіруге, заманауи білім беру тәсілдерін енгізуге және білім беру жүйесінің өзекті талаптарына сәйкес оқыту сапасын арттыруға бағытталған.