«СҚО-Өрлеу» филиалында педагогтермен ақпараттық-түсіндіру жұмыстары жүргізілуде

«СҚО-Өрлеу» филиалында біліктілікті арттыру курстарынан өтіп жатқан педагогтермен жүйелі түрде ақпараттық-түсіндіру жұмыстары жүргізіледі.
Курстың әрбір ағымы аясында тыңдаушылар филиалдың мерзімді басылымдарымен: облыстық «Педагогикалық ізденіс» журналымен, «Master.KZ» және «Білім берудегі балалар – балаларға білім беру» облыстық газеттерімен таныстырылады.
Филиал мамандары педагогтерге басылымдардың жаңа нөмірлерін ұсынып, жарияланымдарға қойылатын талаптар туралы ақпарат береді. Курс тыңдаушылары әріптестерінің мақалаларымен, практикалық әзірлемелерімен және әдістемелік идеяларымен танысады.
Мұндай жұмыс педагогтерге әріптестерінің кәсіби тәжірибесімен жүйелі түрде танысуға, өз әзірлемелерін ұсынуға және тиімді педагогикалық тәжірибелерді таратуға мүмкіндік береді.
Өтінімдер және мақалалар төмендегі электрондық мекенжайлар бойынша қабылданады:
iprpedpoisk@mail.ru — барлық педагогтер;
gazetaipk@bk.ru — тәрбиешілер, бастауыш сынып мұғалімдері;
masterkzsko@orleu.edu.kz — ТжКБ оқытушылары.
8 (7152) 55-10-23 — анықтама алу үшін.
Басқа жаңалықтар

МАМАНДЫҚ ТАҢДАУҒА БАҒЫТ: ТАТЬЯНА ХВАНМЕН КӘСІБИ КЕЗДЕСУ
Мектеп оқушыларына кәсіби бағдар беру, олардың қызығушылықтары мен қабілеттерін анықтау, болашақ мамандығын саналы түрде таңдауға бағыттау мәселелеріне арналған кәсіби кездесу өтті.

ЫНТЫМАҚТАСТЫҚТЫҢ ЖАҢА МҮМКІНДІКТЕРІ: МЕМОРАНДУМҒА ҚОЛ ҚОЙЫЛДЫ
«Өрлеу» біліктілікті арттыру ұлттық орталығы» АҚ филиалы – Атырау облысы бойынша Кәсіби даму институты мен «Zerdeli Group» ЖШС білім беру саласындағы өзара ынтымақтастықты дамыту мақсатында Меморандумға қол қойды

«ЖАҢА ЖОБА - ЖАҢА МҮМКІНДІК»: МЕКТЕПКЕ ДЕЙІНГІ ҰЙЫМ ӘДІСКЕРЛЕРІНЕ АРНАЛҒАН ПИЛОТТЫҚ ЖОБАНЫ ТҮСІНДІРУ СЕМИНАРЫ ӨТТІ
Мектепке дейінгі білім беру ұйымдарындағы әдістемелік жұмыстың сапасын арттыру, педагогтердің кәсіби дамуын қолдау және аттестаттаудың жаңа талаптарын түсіндіру мақсатында «Өрлеу» біліктілікті арттыру ұлттық орталығы» АҚ Астана қаласы бойынша КДИ ұйымдастыруымен «Жаңа жоба – жаңа мүмкіндік» тақырыбында тәжірибелік семинар өтті.