Қаржылық сауаттылық негіздері бойынша біліктілікті арттыру курсы аяқталды
2026 жылғы 6 қарашада математика пәні мұғалімдері мен білім беру ұйымдарының басшыларына арналған «Қаржылық сауаттылық негіздері» тақырыбындағы 40 сағаттық біліктілікті арттыру курсы аяқталды.
2–6 қараша аралығында өткізілген курс педагогтер мен басшылардың қаржылық сауаттылығын арттыруға, жеке қаржыны тиімді басқару және қаржылық тұрғыдан негізделген шешімдер қабылдау дағдыларын дамытуға бағытталды.
Курс барысында қатысушылар қаржылық жоспарлау, бюджетті басқару және қаржылық қауіпсіздік салаларындағы білімдерін тереңдетті. Сонымен қатар алған білімдерін кәсіби қызметте қолдану мүмкіндіктерін қарастырды.
Қаржылық сауаттылық – қазіргі заманғы маңызды құзыреттердің бірі. Мұндай білім беру бағдарламалары педагогтердің қаржылық мәдениетін дамытуға, кәсіби құзыреттерін жетілдіруге және қаржыны басқару мәселелеріне жауапкершілікпен қарау дағдыларын қалыптастыруға ықпал етеді.
Басқа жаңалықтар
«ҚАРЖЫЛЫҚ САУАТТЫЛЫҚ НЕГІЗДЕРІ» БІЛІКТІЛІКТІ АРТТЫРУ КУРСТАРЫ АЯҚТАЛДЫ
ҚР Ұлттық банкі мен «Өрлеу» біліктілікті арттыру ұлттық орталығының бірлескен жобасы аясында «Қаржылық сауаттылық негіздері» білім беру бағдарламасы бойынша біліктілікті арттыру курсы сәтті аяқталды.
ҚАРЖЫЛЫҚ САУАТТЫЛЫҚ – ЗАМАН ТАЛАБЫ
Қарағанды облысы бойынша «Өрлеу» филиалының ұйымдастыруымен педагогтерге арналған қаржылық сауаттылықты арттыру курсы жалғасуда.
ЫБЫРАЙ АЛТЫНСАРИН МҰРАСЫ ЖӘНЕ ЗАМАНАУИ ПЕДАГОГ МОДЕЛІ: ХАЛЫҚАРАЛЫҚ ҒЫЛЫМИ-ПРАКТИКАЛЫҚ КОНФЕРЕНЦИЯҒА ШАҚЫРАМЫЗ
2026 жылғы 26 қарашада «Өрлеу» біліктілікті арттыру ұлттық орталығы» АҚ филиалы Астана қаласы бойынша Кәсіби даму институты, Қостанай облысы әкімдігі мәдениет басқармасының «Ыбырай Алтынсариннің облыстық мемориалдық музейі» және Ыбырай Алтынсарин атындағы Арқалық педагогикалық университетінің бірлесіп ұйымдастыруымен «Ыбырай Алтынсарин және заманауи педагог моделі: құндылық, құзыреттілік, инновация» тақырыбында халықаралық ғылыми-практикалық конференция өтеді