ДЕРЕКТЕРДІ ТАЛДАУ ЖӘНЕ PYTHON КІТАПХАНАЛАРЫМЕН ЖҰМЫС
«Білім берудегі ЖИ модельдері» біліктілікті арттыру курсы аясында тыңдаушылардың деректермен жұмыс істеу және оларды талдау құзыреттерін дамытуға бағытталған практикалық сабақ өткізілді.
Сабақ барысында қатысушылар деректерді талдау негіздерімен, сипаттамалық статистика әдістерімен, ықтималдық теориясының негізгі ұғымдарымен, кездейсоқ шамалардың таралу заңдылықтарымен, статистикалық қорытынды жасау және дисперсияны талдау тәсілдерімен танысты.
Практикалық бөлімде тыңдаушылар Google Colab платформасында Python бағдарламалау тілінің арнайы кітапханаларын пайдаланып, нақты тапсырмаларды орындады. Атап айтқанда, деректерді өңдеу, статистикалық көрсеткіштерді есептеу, алынған нәтижелерді талдау және оларды графиктер мен диаграммалар арқылы визуализациялау жұмыстарын жүзеге асырды.
Мұндай практикалық жұмыс теориялық білімді нақты міндеттерді шешуде қолдануға, ақпаратты жүйелі талдауға және деректер негізінде негізделген қорытынды жасауға мүмкіндік береді.
Осылайша, тыңдаушылар жасанды интеллект технологияларын меңгерумен қатар, заманауи цифрлық құралдарды тиімді пайдалану және деректермен жұмыс істеу дағдыларын жетілдіруде.
Басқа жаңалықтар
ЖАҢА БІЛІМ БЕРУ ПАРАДИГМАСЫ: ЦИФРЛЫҚ ТРАНСФОРМАЦИЯ ЖӘНЕ ПЕДАГОГТІҢ КӘСІБИ ДАМУЫ
Мемлекет басшысы Қасым-Жомарт Тоқаев білім беру жүйесін жаңғырту, цифрлық технологияларды дамыту және жасанды интеллект мүмкіндіктерін тиімді пайдалану мәселелерін еліміздің стратегиялық басымдықтарының бірі ретінде айқындап келеді.
МЕКТЕП ЖАСЫНА ДЕЙІНГІ БАЛАЛАРҒА ЭКОЛОГИЯЛЫҚ ТӘРБИЕ БЕРУ ЖӘНЕ ОҚЫТУ
Мектеп жасына дейінгі балалардың экологиялық мәдениетін қалыптастыру, табиғатқа жауапкершілікпен қарауға тәрбиелеу және қоршаған ортаны қорғау туралы түсінігін кеңейту – мектепке дейінгі білім берудің маңызды бағыттарының бірі.
БОЛАШАҚҚА БАҒДАР: МАМАНДЫҚ ТАҢДАУДЫҢ МАҢЫЗЫ
Кездесу барысында қазіргі еңбек нарығында аналитикалық және сыни ойлау, креативтілік, технологиялық сауаттылық, коммуникация және үздіксіз білім алу қабілеттерінің маңыздылығы атап өтілді. Спикердің айтуынша, бүгінгі білім беру жүйесінің міндеті – оқушыны белгілі бір мамандыққа ғана емес, өзгерістерге бейімделуге үйрету. Сондай-ақ жасанды интеллект дәуірінде адамның эмпатия, жүйелі ойлау, шығармашылық және белгісіз жағдайда шешім қабылдау секілді қабілеттерін дамыту қажеттілігі сөз болды.