«Өнерлі ұстаз» байқауы өтті
Байқаудың әділ қазылар алқасының құрамында «Өрлеу» БАҰО» АҚ Алматы қаласы бойынша Кәсіби даму институтының Қоғамдық-гуманитарлық бағыттағы кафедрасының аға оқытушылары, педагогика ғылымдарының магистрлері Ибраева Жанар мен Фатима Серікбайқызы болды.
Байқаудың мақсаты – педагогтердің шығармашылық әлеуетін дамыту, оқыту үдерісінде заманауи әдіс-тәсілдер мен жасанды интеллект мүмкіндіктерін тиімді қолдануын насихаттау, кәсіби шеберлігін шыңдау.
Байқау үш кезеңнен тұрды:
«Шығармашыл педагог – сапалы білім» – шеберлік сабағы;
«Менің сүйікті мамандығым» – таныстырылым;
«Ұстаз және өнер» – шығармашылық кезең.
Қатысушылар әдістемелік шеберлігін, цифрлық технологияларды қолдану дағдыларын, шешендік қабілеті мен шығармашылық әлеуетін танытты.
Байқауды ұйымдастырған Алматы қаласы Білім басқармасына және Қалалық білім берудегі жаңа технологиялардың ғылыми-әдістемелік орталығының әдіскерлеріне алғыс білдіреміз.
«Өнерлі ұстаз» байқауы педагогтердің кәсіби шеберлігі мен өнерге деген сүйіспеншілігін тоғыстырған мазмұнды іс-шара болды.
Басқа жаңалықтар
ЖАҢА БІЛІМ БЕРУ ПАРАДИГМАСЫ: ЦИФРЛЫҚ ТРАНСФОРМАЦИЯ ЖӘНЕ ПЕДАГОГТІҢ КӘСІБИ ДАМУЫ
Мемлекет басшысы Қасым-Жомарт Тоқаев білім беру жүйесін жаңғырту, цифрлық технологияларды дамыту және жасанды интеллект мүмкіндіктерін тиімді пайдалану мәселелерін еліміздің стратегиялық басымдықтарының бірі ретінде айқындап келеді.
БІР МӘСЕЛЕ – БІРНЕШЕ ШЕШІМ: ЗАМАНАУИ САБАҚТЫҢ ЖАҢА МҮМКІНДІКТЕРІ
Қазіргі сабақта ең маңыздысы – оқушының дұрыс жауапты білуі ғана емес, сол жауапқа апаратын түрлі жолдарды көре білуі. Ал мұндай қабілетті дамытуда цифрлық технологиялардың мүмкіндігі қандай?
«ӨРЛЕУДЕ» ОҚУ МӘДЕНИЕТІН ҚАЛЫПТАСТЫРУҒА БАҒЫТТАЛҒАН АКЦИЯ БАСТАЛДЫ
«Кітап оқитын ұлт» республикалық жобасы аясында «Өрлеу» біліктілікті арттыру ұлттық орталығында «Оқу мәдениеті – ұйым мәдениеті» атты акция басталды. Бастамаға еліміздің 20 филиалынан құралған 21 команда қатысып, командалық оқу арқылы ортақ әдеби кеңістік қалыптастыруға кірісті.