КУРСТАН КЕЙІНГІ ҚОЛДАУ: БІЛІМДІ ТӘЖІРИБЕМЕН ҰШТАСТЫРУ
Біліктілікті арттыру курсы аяқталғанымен, педагогтің кәсіби
ізденісі тоқтамайды. Керісінше, курста меңгерген білімді нақты сабақ үдерісінде
тиімді қолдану кезеңі басталады.
Осы тұста курстан кейінгі қолдау педагогке жаңа тәсілдерді тәжірибеде сынақтан
өткізуге, туындаған сұрақтарға жауап табуға және өз жұмысын жетілдіруге
мүмкіндік береді.
Бүгін филиалдың аға оқытушысы Нұргүл Ермекова Ақтөбе қаласындағы №16 жалпы
білім беретін орта мектепте педагогтермен кездесіп, курстан кейінгі қолдаудың
негізгі бағыттарына тоқталды.
Кездесу барысында педагогтердің тәжірибесінде кездесетін мәселелер талданып,
жаңа білімді сабақ мазмұнына кіріктіру, тиімді әдістерді таңдау және кәсіби
дамуды жалғастыру жолдары қарастырылды.
Басқа жаңалықтар
БОЛАШАҚҚА БАҒДАР: МАМАНДЫҚ ТАҢДАУДЫҢ МАҢЫЗЫ
Кездесу барысында қазіргі еңбек нарығында аналитикалық және сыни ойлау, креативтілік, технологиялық сауаттылық, коммуникация және үздіксіз білім алу қабілеттерінің маңыздылығы атап өтілді. Спикердің айтуынша, бүгінгі білім беру жүйесінің міндеті – оқушыны белгілі бір мамандыққа ғана емес, өзгерістерге бейімделуге үйрету. Сондай-ақ жасанды интеллект дәуірінде адамның эмпатия, жүйелі ойлау, шығармашылық және белгісіз жағдайда шешім қабылдау секілді қабілеттерін дамыту қажеттілігі сөз болды.
ҚАЗЫҒҰРТТА БІЛІКТІЛІКТІ АРТТЫРУ КУРСЫ ӨТІП ЖАТЫР
Түркістан облысы Қазығұрт ауданында «Өрлеу» БАҰО» АҚ Түркістан облысы бойынша кәсіби даму институтының жоспарына сәйкес 27 қазан мен 6 қараша аралығында педагогтердің кәсіби құзыреттілігін арттыруға бағытталған оқу курсы өтуде. Курс жетекшісі – Махфуза Мусаева.
«ӨРЛЕУДЕ» ТӨРТ КҮНДІК КӘСІБИ ДАМУ АПТАЛЫҒЫ ҚОРЫТЫНДЫЛАНДЫ
5 қараша күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Тәжірибеге негізделген оқыту: педагогтердің кәсіби дамуындағы тренердің рөлі» тақырыбындағы төрт күндік оқыту қорытындыланды.