РЕФЛЕКСИЯЛЫҚ ТӘЖІРИБЕ: ТРЕНЕРДІҢ КӘСІБИ ДАМУЫНА БАҒДАР

4 қараша күні «Өрлеу» БАҰО» АҚ «Батыс Қазақстан облысы бойынша Кәсіби
даму институты» филиалында кәсіби даму апталығы аясында «Тәжірибеге негізделген
оқыту: педагогтердің кәсіби дамуындағы тренердің рөлі» тақырыбындағы төрт
күндік оқытудың кезекті семинары өтті. «Рефлексиялық тәжірибе» тақырыбына
арналған семинарға филиалдың аға оқытушылары қатысты.
Семинарды British Council-дың AELLCA (Accelerating English Language
Learning in Central Asia) халықаралық білім беру бағдарламасы бойынша
интенсивті оқу курсынан өткен директордың орынбасары К.И. Байкатова жүргізді.
Іс-шараның мақсаты — рефлексияның тренинг барысындағы орнын түсіндіру, оның
кәсіби тәжірибені жетілдірудегі құндылығын айқындау және рефлексиялық
модельдерді оқыту мақсаттарына сәйкес қолдану жолдарын қарастыру.
«Рефлексиялық модельдер» тақырыбындағы миға шабуыл барысында қатысушылар
рефлексияны ұйымдастыру тәжірибелерімен бөлісіп, оның педагогтің өз әрекетін
талдауына, қабылдаған шешімдерін бағалауына және келесі қадамдарын жоспарлауына
ықпалын талқылады. Теориялық блокта рефлексиялық модельдердің құрылымы мен
ерекшеліктері зерделенді.
«Тәжірибе айнасы» кейс әдісі арқылы аға оқытушылар нақты педагогикалық
жағдаяттарды талдап, Колб, Гиббс, Шон және Брукфильд модельдерін қолдану
мүмкіндіктерін қарастырды. Талқылауда тәжірибеден үйрену, әрекет барысындағы
және әрекеттен кейінгі рефлексия, сондай-ақ педагогикалық тәжірибені әртүрлі
көзқарас тұрғысынан бағалау мәселелеріне назар аударылды.
Сонымен қатар Рольф моделі, Терри Бортонның дамытуға бағытталған рефлексиялық
құрылымы және Фред Кортхагеннің рефлексиялық моделі қарастырылды. Қатысушылар
модельдерді сұрақтар жүйесі, талдау тереңдігі және тәжірибені жетілдіруге
бағытталуы бойынша салыстырып, олардың нақты оқыту жағдайларындағы практикалық
құндылығын талқылады.
«Рефлексиялық модельдерді оқыту мақсаттарымен сәйкестендіру» топтық
жұмысында филиалдың аға оқытушылары берілген мақсаттар мен педагогикалық
жағдаяттарға сәйкес модельдерді таңдап, өз шешімдерін негіздеді. Бірлескен
жұмыс барысында рефлексиялық сұрақтар құрастырып, оларды тренингтің әр
кезеңінде қолдану жолдарын ұсынды. Өзара пікір алмасу рефлексияны ұйымдастыру
тәсілдерін толықтырып, әріптестер тәжірибесіне жаңаша қарауға мүмкіндік берді.
Семинар рефлексияны оқыту соңындағы кері байланыспен шектемей, тренердің
кәсіби шешімдерін негіздеуге және оқыту сапасын жетілдіруге мүмкіндік беретін
жүйелі тәжірибе ретінде қарастыруға бағытталды.
Басқа жаңалықтар

БАСТАУЫШ СЫНЫП ОҚУШЫЛАРЫНЫҢ ОҚУ МӘДЕНИЕТІН ҚАЛЫПТАСТЫРУ МӘСЕЛЕЛЕРІ ТАЛҚЫЛАНДЫ
Ағымдағы жылдың 5 қараша күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Бастауыш сынып білім алушыларының оқу мәдениетін қалыптастыру» тақырыбында вебинар өтті. Іс-шараға бастауыш сынып мұғалімдері қатысып, жас ұрпақтың кітап оқуға қызығушылығын арттыру, тұрақты оқу дағдыларын қалыптастыру және оқу мәдениетін дамытудың өзекті мәселелерін талқылады. Вебинарды кафедраның аға оқытушысы Д.Ш. Жумагалиева жүргізіп, қатысушыларды кездесудің тақырыбы, мақсаты мен күтілетін нәтижелерімен таныстырды.

БАСТАУЫШ СЫНЫП ОҚУШЫЛАРЫНЫҢ ОҚУ МӘДЕНИЕТІ МЕН ФУНКЦИОНАЛДЫҚ САУАТТЫЛЫҒЫН ДАМЫТУ МӘСЕЛЕЛЕРІ ТАЛҚЫЛАНДЫ
Ағымдағы жылдың 5 қараша күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Мемлекеттік стандарт талаптарын жүзеге асыру: бастауыш сынып оқушыларының оқу мәдениеті мен функционалдық сауаттылығын дамыту» тақырыбында вебинар өтті. Іс-шараға бастауыш сынып мұғалімдері қатысып, мемлекеттік жалпыға міндетті білім беру стандарты талаптарын оқу үдерісінде жүзеге асырудың өзекті мәселелерін талқылады. Вебинарды кафедраның аға оқытушысы Д.Ш. Жумагалиева жүргізді.

БІЛІМ МЕН ИННОВАЦИЯ: ЖОҒАРЫ БІЛІМ БЕРУДІҢ ЖАҢА БАҒЫТТАРЫ
Қазіргі білім беру жүйесі цифрлық технологиялардың қарқынды дамуымен қатар жаңа талаптар мен мүмкіндіктерге ие болуда. Әсіресе жасанды интеллектіні білім беру үдерісіне тиімді енгізу, оқытудың заманауи әдістемелерін жетілдіру және білім алушылардың зерттеушілік құзыреттілігін дамыту – бүгінгі күннің өзекті мәселелерінің бірі.