Өрлеу

«ПЕДАГОГИКАЛЫҚ ШЕБЕРЛІК» КӘСІБИ ДАМУ АПТАЛЫҒЫ БАСТАЛДЫ

«ПЕДАГОГИКАЛЫҚ ШЕБЕРЛІК» КӘСІБИ ДАМУ АПТАЛЫҒЫ БАСТАЛДЫ

Бүгін «Өрлеу» БАҰО» АҚ Түркістан облысы бойынша кәсіби даму институтында «Педагогикалық шеберлік» кәсіби даму апталығы басталды.

 

Іс-шараның ашылуында сөз алған институт директоры Нұржан Нұрлыбаев апталықтың тренерлердің шығармашылық әлеуетін ашу, педагогикалық идеялар мен авторлық бағдарламаларды анықтау мақсатында ұйымдастырылып отырған атап өтті. Сонымен қатар ұжымның бірнеше қызметкерлерін арнайы марапаттап, мерейтойларымен құттықтады.

 

Бір апта бойы тренерлер өзара тәжірибе алмасып, шығармашылық топтарда жұмыс істеп, авторлық әдістемелерін ұсынады. Бұл туралы институт директорының орынбасары Ақнұр Сейдалиева түсіндіріп өтті. Нәтижесінде үздік авторлық әдістемелер жинағы шығарылып, жұмыс тәжірибесіне енгізілетінін жеткізді.

 

Апталық барысында маңызды бірқатар іс-шаралар жоспарланып отыр. Атап айтсақ, «Шығармашылық старт», «Инновациялық трендтер», «Идеялар шеберханасы», «Педагогикалық Pitching», «Педагогикалық шеберлік панорамасы» секілді бағыттар қамтылған. 

Бөлісу

Басқа жаңалықтар

«ПЕДАГОГИКАЛЫҚ ШЕБЕРЛІК» КӘСІБИ ДАМУ АПТАЛЫҒЫ БАСТАЛДЫ — Өрлеу